اااالليـــــاااااااااالي اااااالطويله(قصة حب الحزء الثاني)

الجزء الثاني
المعاناه:
في بيت نور يرن الهاتف وترد عليه
نور:- الو.
سلطان:- السلام عليكم .
نور:- وعليكم السلام ورحمة اللة وبركاته.
سلطان:- زين ندري انا ماكملنا السلام انا مشغول تبغين شي!كم مره متصله!!
نور:- مشمش سندرتني خاطرها في كنتاكي تبغي معانا والا نسوي لك غدا.
سلطان:- شهالسؤال بعد! أنا اتغدا كنتاكي !!!!قالولج عشا ؟جنج ما تعرفيني انا ابغي عيششششششششششششش ( قالها بملء فمه) سوي مجبوس لحم.ولا تكلميني وانا فالشغل الا للضروره.والشيخة مشمش جيبلها اللي تبغيه بدون ماترجعين لي.
نور:-بل بل اسفين.مانعيدها
سلطان:-باي
نور:-باي
امتعضت نور من تصرف زوجها معها انها تعلم انه لايحب ان يكلمه احد اثناء الدوام في اشياء لاتخص العمل فهو دائما يقول انه محاسب من الله على وقته فيما يقضيه,ولكنها كانت ضجره والجميع مشغول بعمله الا هي اصطحبت مشمش ابنتها من الروضه وما ان لمحت المطعم والذي يقع خلف الروضه حتى أخذت تلح على امها بشراء وجبه لها كما تفعل كل مره . وافقت وأشترت لها الوجبه وقررت ان تذهب لأمها قليلا حتى يحين وقت عودته.

دخلت الصاله وهي تحمل الوجبه في يد وممسكه بيد ابنتها باليد الاخرى وأذا بامها تتناول الغداء مع ابيها.
:-هنهم .( قالت لهما بعد ان القت السلام)
ردوا معاّ :-وانتي منهم . أقربي.
نور:- فيه العافية. انا بنطر سلطان مايصير يتغدا بروحه.
ام محمد:- مايصير!!والاماتحبين تاكلين بدونه.قالت وابتسامة بدت على محياها
ابومحمد:-خلي البنت عنج هذا انتي تاكلين معاي , والا هي غير! انتي مربيتها على السنع.تعالي يامشاعل ياحبيبتي, تعالي ياقلبي تعالي ياروحي تغدي معاي.ناداها وهي تنظر الى امها والى كيس الطعام ومعالم التردد على وجهها.
نور :- فديتك يبه.هذاهوغداها .اشارت للكيس.
ابومحمد: اخ عليكم حد يهد السمج وياكل هالخمام!!!تعالي اقولج طيعي كلامي سمج شعري شاريه اليوم لايفوتج. ( الح عليها)
نور:- هي خاطرها اليوم في كنتاكي وشريته لها تدري انت كم مشمش عندي.بس وحده.
ابتسمت مشاعل وهي تشعر بأنها حققت مرادها.
ابومحمد:- كيفكم ,بس يابوج بينفخها هالخريط عالفاضي ,انا افكر فيها والله.
نور:- ادري والله بس تصدق ورا روضتها كنتاكي ومكدونالد بعد ومتعلمة كل يوم لي طلعنا تشغل الحنه وانا اقولها بس يوم الخميس.
تجلس علي الكرسي بجانب ابويها وتجهز غداء ابنتها وتمسك مجله وتتصفحها.

ينزل فيصل على الدرج ويلمح عمته نور وابنتها فيسرع لهم مرحباّ:عمتي نورعندنا!! يا مرحبا يامرحبا. (اقترب منهم سلم على الجميع ثم حمل مشاعل ووضعها على حضنه واخذ يقبلها بحب وهي لاتزال تأكل ولكنها لم تعترض فهي تبادله الحب فهو دائماّ يصطحبها للبقاله ويشتري لها الكثير من الحلويات والشكولاته.)
نور:- بسك. خلها تخلص غداها. بتوسخ ثيابك.
فيصل:- عادي انا بكبري افداها مب بس ثيابي. برجع اغير.
نور:- الله يخليك لها ان شاءلله أخاف بكره ليتزوجت تغار منها زوجتك.
فيصل:- تخسي الا هي. اصلا يوم العرس بدش عليها وأنا شايل مشموشي عشان تعرف من البدايه وين مكانتها عندي وماتقول شي.
نور:- قصورك بعد. صج بتذبحها
أم محمد:- الحين اللي بيسمعكم بيقول ان العروس جاهزه والعرس قريب .
فيصل:- انسوا هالسالفه لين اشتغل.
ابو محمد:- انت اللي معبل عمرك والا الشغل موجود ليش ماتروح عند ابوك مثل ماقالك؟
فيصل:- يبه انا دراستي غير وشغلة ابوي غير . علعموم انا عندي موعد في مؤسسة البترول بكره ,أدعوا لي الله يوفقني انتو بس وعن الحنه.
الجميع:- الله يوفقك ان شاء الله.
ابو محمد:- الا انت وينك اليوم؟ ماصليت معانا الفجر!!!
فيصل:- راحت علي نومه وصليت في غرفتي .شسوي البارحه سهرت مع الربع.
ابو محمد:- بس لاتعودها يابوك.
فيصل :- لا أن شاء الله.
يعود فيصل لمشاعل يحظنها بقوه حتى تصرخ ثم يقبلها اكثر مره وهو يردد:باكلها انا ياربي اموت فيها هالبنت.
نور:- لاتاكل بنتي ولا شي . بقوم احط لك غدا.
فيصل :-لاتحطين بانطر ابوي مسكين محد يتغا معاه لين رجع.
ام محمد:- عاد ابوك مايرجع قبل العصر. وانت كله تجوع عمرك,قالك تغدا ولا تنطره.
فيصل:- معليه يمه انا بنطره.
ام محمد:- الاعناد مب جديد عندكم ماخذه من ابوك.
ابتسم فيصل وعاد يلاعب ابنة عمته حتى عادوا لبيتهم .

محمد في الطريق عائداّ للبيت يستمع لصوت محمد عبده يصدح :
ياليل خبرني عن أمـرالمعانــاة هي من صميم الذات والا اجنبيه
هي هاجس يسهر عيوني ولا بات أو خفقة تجمح بقلبي عصــيه
أو صرخة تمردت فوق الاصوات أو ونة وسط الضماير خفــيه

واخذه تفكيره لتصرف ليلى معه عندما ذهب لها حسب الموعد, كانت تكلمه بطريقة رسميه وكأنها لم تعرفه في يوم من الايام ولم تكن بينهما قصة حب عذريه, عادت به الذاكرة سته وعشرون سنه. كان في التاسعة عشر وكان يحب ليلى التي قدم والديها من فارس وعمل لدى ابو محمد وكان ابنائه يلعبون معهم منذ الصغر حتى كبرت ليلى .كان يعاملها بشكل مختلف والكل كان يعلم ان لها معزة خاصة واهلها كانوا يأملون بأنه سيتزوجها وهو كذلك. ولكن تأتي الرياح بما لاتشتهي السفن. رفضت امه الموضوع بأكمله بحجة ان لديهم وثيقة قطرية فقط .وزوجته لأبنة خالته مع انه حاول كثيراً مع اهله ولكن هيهات لم تنجح أي من هذه المحاولات فاستسلم لقدره وعندما توفيت أم فيصل لم يتزوج ثانيه لأنه لازال يحب ليلى وان اجبرته امه مره فلن تقدر ثانيه.صحيح ان أم فيصل كانت نعم الزوجه ولكن القلب وما يهوى.لقد بحث عن ليلى كثيراً ولكنهم كانوا قد انتقلوا بعد ان وافت اباها المنيه ولم يعرف عنها شيء حتى التقى بها صدفه ذلك الصباح.وما أجملها من صدفه.

عندما وصل المنزل وجد ابنه فيصل ينتظره كالعاده ليتناولا الغداء معاً.صلوا العصر جماعه ولاذ كل واحد لغرفته.

في بيت ام احمد
ام احمد:- وانتي تبغين تطلعين وتفترين طول اليوم واذا رقدتي جنج ميته لو تطيح قنبلة حذاج ماقمتي ولادريتي!!!!
مناير:- أذكري الله بتنظليني يمه.
ام احمد:- على شنو!!! تطفرين بنا طول اليوم وحتى لين جينا نقعدج وتخافين من العين !!! جان زين تنظلين يمكن نرتاح .
مناير:-يمه حرام عليج.( تحظن امها بدلع) وأهون عليج!! آاااانا بنتج حبيبتج!!!!شفيها لو قلتلج حنروح بيت عمتي لولوه والله ملل هنيه,ماعندي شي اسويه ولاحد اسولف معاه,ولاتقولين عندج مريم لانها ماتعطيني وجهه أصلاً ماتعطي أحد.
ام احمد:- امشي الله يعيني عليج, أدريبج بتقعدين تشتغلين على بالحنه وانا مافيني.خلي سوبا تقول حق السايق يشغل السيارة, بس خليني اخلص صلاتي.
مناير:- تامرين امر يمه . كم ام عندي آنا؟
ام احمد تنظر لأبنتها مستغربه

في الطريق لبيت لولوه
ام احمد:- ماأوصيج, الله الله بالعقل لاتفضحينا هناك بالضحك والتكركر ترى احنا عند عرب مب في بيتنا.
مناير:- اشدعوه يمه!! شايفيتني ماأعرف السنع يعني!!
ام احمد:- لا حاشاج.( بسخريه) بس يمكن.

بعد ان وصلوا وبعد السلام اخذت مناير ركن في الصاله مع العنود والجوهره.
مناير:- شالاخبار؟
الجوهره :- الحمدلله. والله استانسنا لما اتصلتي وعلمتينا انكم بتجون.
العنود:- ايه والله.
مناير :- فكرتوا فالموضوع والا لا؟
الجوهره :- والله فكرنا بس للحين محتارين.
مناير:- انا عن نفسي بأدخل ادبي فرنسي وناسه في الدراسه والجامعه قسم أدب أنجليزي.وبعدين عاد....
العنود:- وبعدين
مناير:- مادري. انا مستحيل أشتغل مدرسة
الجوهره:- الحين في شي ثاني؟ مافي غيرها.
مناير:- لين نخترج يحلها الف حلال.
العنود:-عيل احنا معاج .
الجوهره:- وأذا امي عصبت؟ كان حلمها ندخل علمي.
مناير:- وبعدين؟ ابوج ماراح يرضى تشتغلين في مكان مختلط بتدرسين علفاضي.
العنود:- انا بقنع امي.
يدخل عبدالله عليهم :- السلام عليكم .
الجميع: وعليكم السلام والرحمه.
عبدالله:- هلا خالتي أم أحمد, شحالج ؟ بشرينا عنج .
ام احمد: بخير جعلك بخير.
يتوجه احمد ليجلس بجانبهم غيرمنتبه لوجود منايرواختيه في زاويه الصاله.
مناير:- واحنا ميت فينا قطو؟ عطنا وجه يبه ترا مانبغي منك فلوس.
ابتسم عبدالله:-هلا والله ببنت خالي توني بأسال ليش البيت منور جذيه ترا انتي هنيه!!
مناير:- قص علينا قص.عاد اني بصدق.
عبدالله:- والله ماشفتج . منور شفيج؟ تعالي هنيه يلا.
تتقدم مناير مع البنات ويجلسن معهم.
عبدالله: قوللي لي الحين اخترتي علمي والا أدبي؟
مناير:- ادبي . وفرنسي بعد.
عبدالله:- ليش مش رياضيات وعلوم مثلي عشان اساعدج واعطيج الملازم اللي عندي.
مناير:- ماداني الرياضيات . كنت في الحصه اسرح في عالم ثاني,افكر في البر والا البحر والا السنترعشان مااموت من الملل.
عبدالله:- حشى يابوج,جني اكلم واحد من الربع . انتي متى بتغيرين وتعقلين؟
مناير بفخر: انا ام العقل اصلاً بس محد مقدر.
ام احمد تفكر( ايه, ام العقل طل )
مناير :- الا عواس وينه؟
عبدالله : والله لو سمعج بزوالج .طالع مع ربعه.
مناير:- ياحيييييييه اكيد الحين مفتل مب احنا.كلها كم يوم ويروح يدرس في لندن ويفتك من هنيه.
ام احمد:- اقول مناير احنا شقلنا؟
مناير:- اسفه يمه. بس شمعنا الصبيان لي خلصوا ثانوي يقدرون يدرسون بره واحنا لا؟والا قهر والله ان احنا اشطر منهم.
ام احمد:- مب عن الشطاره ,احنا ماعندنا بنات يدرسون بروحوهم بره.
عبدالله:- ولايهمج. خلصوا الثانويه انتي وخواتي وبوديكم.
منايروالجوهره والعنود بصوت واحد:- صج؟
ضحك عبدالله: لا طبعاً بس ابي افتك.... ينهض منهياً المناقشة وهو يضحك ويترك البنات ممتعضين.( ماكلين حصا يعني)
ام احمد:- عسى, قايلتلج بس ماتسمعين الكلام.
لولوه:- قوموا يابنات حطوا العشا مع الخدامه.
ينهظن البنات . وبعد انتهائهم من العشاء تعود ام احمد مع ابنتها لمنزلهم .

فيصل في غرفته يحدث صديقه في الهاتف واغاضه كثيراً أغلق السماعه في وجهه وأشغل شريط محمد عبدو واخذ يستمع وهو يصلح جهازاً لديه وأذا بالهاتف يرن وعندما اجاب جاءه صوت فتاه.
فيصل:- نعم
......:- شحالك فيصل؟
فيصل:- بخير. أمري.
......:- مأمر عليك عدو.انت مشغول؟
فيصل:- يعني. انتي شسالفتج؟ ما عندج شغل ؟
......:- انت ليش ترد علي جذيه؟
فيصل:- وشلون تبغيني ارد؟
.....:- مادري.( يسمع صوت بكاء).
فيصل:- انا لله وانا اليه راجعون.ليش الصياح الحين!! اسألج؟ انتي من وين تعرفيني؟
.....:- (متردده) تعرف بيت فلان بن فلان؟ اللي في فريجكم هذيه بيتنا.
فيصل( مصدوم):- شنو؟ الله ياخذج اخوج رفيجي. والله ان درا بيذبحج وبيذبحني.
.....:_ ادري بس شسوي احبك.
فيصل:- بلا حب بلا خرابيط .شوفي يابنت الناس تعوذي من ابليس وسكري التليفون ولا عاد تسوينها معاي ولا مع غيري, انتي بنت قبايل ابوج رجال فيه خير وحتى اخوج تبغين توطين راسهم.انا مب راعي هالسوالف انا لين بغيت اتزوج بخلي هلي يخطبونلي بس انا للحين في بداية حياتي.اعقلي يابنت الناس ., ويكون في علمج انا من بكره مغير الرقم.
.....:- بس...
فيصل:- ولا بس ولا يحزنون. باي ( يقفل السماعه ويحرك الفيشه من مكانها)

يحدث نفسه( هذا اللي ناقصني اوهق عمري مع هالاشكال يحلمون اأأأأأأأأأأنا فيصل بن محمد اخرب سمعتي واغضب ربي عشانهم. صج ماتعرفني)